वैकल्पिक ऊर्जाका अनुसन्धाता डा. खड्का जापानमा पुरस्कृत

वैकल्पिक ऊर्जाका अनुसन्धाता डा. खड्का जापानमा पुरस्कृत

थाहा संवाददाता  | 

 ५ हप्ता अघि असार ३१, २०७५ काठमाडौं : नेपाली वैज्ञानिक डा. ध्रुव खड्का वैकल्पिक ऊर्जा विकासको क्षेत्रमा गरेको अनुसन्धानको लागि जापानमा पुरस्कृत भएका छन। सौर्य 
ऊर्जालाइ विधुतीय ऊर्जामा परिवर्तन गर्न प्रयोग गरिने एक नविनतम तथा बहुउपयोगी पदार्थ 'हेलाइड पेरोभस्काइट'को बारेमा गरेको अनुसन्धानलाई उत्कृष्ट ठहर गर्दै डा. खड्कालाई सम्मान गरिएको हो। उनलाई जापानको प्रतिष्ठित राष्ट्रिय अनुसन्धान सस्थान “ नेसनल इन्स्टिच्युट फर मटेरियलस साइन्स” ले स्वच्छ ऊर्जा पुरस्कार २०१७ प्रदान गरेको हो। जापानको शिक्षा, संस्कृति, खेलकुद, विज्ञान तथा प्रविधि मन्त्रालय अन्तर्गत रहेको उक्त अनुसन्धान संस्थानले वैकल्पिक ऊर्जाको क्षेत्रमा अनुसन्धान गर्ने वैज्ञानिकहरूमध्येबाट प्रत्येक वर्ष एक उत्कृष्ट अनुसन्धानकर्तालाई अवार्ड अफ इनोभेसन दिने गर्दछ। त्रिभुवन विश्वविद्यालय भौतिकशास्त्र केन्द्रीय विभागबाट स्नाकोत्तर डा. खड्काले इन्चन नेसनल विश्वविद्यालय दक्षिण कोरियाबाट सन् २०१६ मा विद्यावारिधी पुरा गरेका थिए। हाल उनी जापानको साइन्स सिटिको नामले चिनिने चुकुबा सिटि स्थित उक्त अनुसन्धान संस्थान अन्तर्गत इन्टरनेसनल सेन्टर फर यौंग साइन्टिस्टसमा अनुसन्धानरत छन्। उनी उदयपुरको चौदण्डीगढी नगरपालिकाका स्थायी बासिन्दा हुन्।

Read more at: http://thahakhabar.com/news/44473